Biskopen salvar ordinanden sine hender
Laurdag 18. oktober vart diakon Mario Sánchez til fader Mario Alejandro. Fader Mario Alejandro leiar vår misjon i Madrid, og med ein delegasjon på fire tok han turen til Oslo og vart presteordinert i St. Johannes Døyparen.
Mario har studert i 6 år filosofi og katolsk teologi ved universitetet i Sevilla. Etter det har han teke BA i luthersk teologi ved Concordia seminaret i Dominikanske Republikk samt eit kurs i fundamentalteologi ved TECH.
Fr. Mario Alejandro hadde si eldprøve som predikant på søndagen. Sjølv om han enno ikkje er flytande i engelsk, preika han på engelsk om det doble kjærleiksbodet så alle forstod.
Han har praksis som romersk-katolsk akolytt og barne- og ungdomskateket i Sevilla. Seinare har han fullført utdanning ved det romersk-katolske seminaret i Sevilla med spesialisering i omsorg for sjuke.
I fem år var han medlem av den evangelisk-lutherske kyrkja i Sevilla og misjonær for denne kyrkja i Den dominikanske republikken der han m.a. gjorde teneste som rettleiar og lærar for prestestudentar og diakonisser. Han arbeider i dag som farmasøyt i eit apotek i byen Valladolid.
Fr. Mario Alejandro på preikestolen
I 2022 kom han til Den nordisk-katolske kyrkja der han vart diakonvigsla av biskop Roald Nikolai same året.
Det er ei lita men aktivt misjonerande gruppe kyrkjemedlemar som no satsar for fullt i Madrid. Dei har til no samlast i høgst mellombels lokale, men er i ferd med å inngå avtale om bruk av eit kyrkjekapell der det vert messefeiring kvar sundag og bibelundervisning på vekedagar.
Dei har høg kompetanse på digitale medier og satsar på å nå ut til folk på fleire platformer. Fr. Mario Alejandro sine næraste medarbeidarar heiter Jonathan og Miguel. Hugs dei i bønene dine.
Biskop Ottar Mikael
Alle dei tilstadesveran-de prestane bed for sin nye prestebror
Biskopen bed for ordinanden med handspålegging
Helgenlitaniet
Fr. Mario Alejandro avlegger prestelovnaden
Fr. Mario Alejandro feirar si prima missa
Dei spanske utsendingane saman med biskop Ottar Mi-kael, biskop Roald Nikolai og Kirsten Flemestad
