Frå venstre: Bp . Charles Zawistowski (administrator Chicago, IL), Bp. Bernhard Novicki (emeritus Scranton, PA), EBp. Anthony Mikovsky (PNCC Prime Bishop), Bp. John Mack (Buffalo, NY), Bp. Paul Sobiechowski (Manchester, NH), Fr. Robert M Nemkovich Jr (Fall River, MA, sekretær). På skjermen: Bp. Ottar Mikael
Scranton-unionen sitt årlege, internasjonale bispemøte gjekk av stabelen denne veka. Dei amerikanske var samla i Scranton, Pensylvania, medan den europeiske sat heime i Sykkylven og deltok via zoom.
Vi orienterte kvarandre om kyrkjelege tilhøve på begge sider av Atlanterhavet og drøfta felles planar og prosjekt. Særleg grundig gjekk vi gjennom den felles teologiske konferansen som kvart år vert arrangert i Mainz, Tyskland. Her hadde vi rekordbesøk dette året med temaet «Lex orandi lex credendi». Sjå rapport annan stad på heimesida.
Elles var to saker oppe på dagsorden: Vilkår for ordinasjon av kandidatar med skilsmisse bak seg og krav til liturgisk einskap på tvers av språkområde og kyrkjetradisjonar.
I Europa har det vore ei rivande utvikling sidan sist vi var samla. Nye prestar er ordinerte for teneste i Madrid, Milano, Romania, Ungarn, Slovakia, Tyskland og England. Nye kyrkjelydar vert bygde og nye menneske lagde til.
PNCC er på si side mykje oppteke med planlegging av sin generalsynode i september med val av tre nye biskopar.
+ Ottar Mikael Myrseth
